2012-07-27 2012 წლის 27 ივლისს კოალიცია „ქართული ოცნების“ ლანჩხუთის ოფისის წარმომადგენლები აცხადებდნენ, რომ მათი პირადი საბანკო ანგარიშები დაყადაღებულია და თითოეულ მათგანს მილიონი ლარი დავალიანება ერიცხებათ. დაჯარიმებულთა შორის არიან კოალიცია „ქართული ოცნების“ ლანჩხუთის ხელმძღვანელი სოსო ბოლქვაძე, კოალიციის ლიდერები - რომან ბიწაძე, ელგუჯა ჩხაიძე და ოფისში მომუშავე პირები, სულ 23 მოქალქე. მართალია სს „საქართველოს ბანკი“ აცხადებს, რომ აღნიშნული ფაქტი ტექნიკურ შეცდომას წარმოადგენს, მაგრამ მოქალაქეების პირად საბანკო ანგარიშებზე დღემდე ერიცხებათ დავალიანება.