ნაციონალური მოძრაობის პარტიული ოფისის დაზიანების ფაქტი ზუგდიდში
2016-09-11 11 აგვისტოს, ღამის საათებში „ერთიანი ნაციონალური მოძრაობის“ ზუგდიდის ოფისში დაუდგენელმა პირებმა კარი გატეხეს და ოფისში შეიჭრნენ. ნაციონალური მოძრაობის წევრები ფიქრობენ, რომ ოფისში შეჭრა შეიძლება გამოწვეული იყოს რაიმე ინფორმაციის მოპოვების ინტერესით. „ნაციონალური მოძრაობის“ წევრის, დავით აბულაძის განმარტებით, შესაძლოა თავდამსხმელებმა ინფორმაცია კომპიუტერებიდან წაიღეს. ამ ეტაპზე მიმდინარეობს გამოძიება, საქმე საქართველოს სისხლის სამართლის კოდექსის 187-ე მუხლით არის აღძრული, რაც სხვისი ნივთის დაზიანებას ან განადგურებას გულისხმობს.