2020-10-23 29 სექტემბერს, მარნეულის საოლქო საარჩევნო კომისიასთან „ერთიანი ნაციონალური მოძრაობის" აქცია გაიმართა. პარტია აპროტესტებდა საუბნო საარჩევნო კომისიის პირველი სხდომების გამართვას მათი წარმომადგენლების ინფორმირების გარეშე. აქციას მოჰყვა სიტყვიერი და ფიზიკური დაპირისპირება „ქართული ოცნების" მხარდამჭერებთან. დაპირისპირების შედეგად დაშავდნენ აქტივისტები და საოლქო საარჩევნო კომისიის თანამშრომელი. პროცესში ჩართული იყო მარნეულის საკრებულოს თავმჯდომარე ამირან გიორგაძე. მთავარი არხის ჟურნალისტმა, ჯეიხუნ მუჰამედალიმ, მარნეულის საკრებულოს თავმჯდომარეს დაუსვა კითხვა, რასაც სიტყვიერი დაპირისპირება მოჰყვა და ჟურნალისტს ფიზიკური შეურაცხყოფა მიაყენეს. დაშავდნენ „მთავარი არხის" და საზოგადოებრივი მაუწყებლის ორი ჟურნალისტი და ორი ოპერატორი. დაზიანდა ტელეკომპანიების აპარატურა. „სამართლიანმა არჩევნებმა" დაგმო ჟურნალისტებზე განხორციელებული ფიზიკური ძალადობა და მოუწოდა სამართალდამცავ ორგანოებს უმოკლეს ვადებში გამოიძიონ მარნეულში მომხდარი ძალადობის ფაქტი.