ვაკის მე-2 საარჩევნო ოლქის მე-14უბანზე გადასატან ყუთში არსებული საკონტროლო ფურცელი არ ემთხვევა ძირითადი ყუთის და საუბნო კომისიის თავმჯდომარესთან შენახულ საკონტროლო ფურცლების ნიმუშებს.

მარნეულის 22-ე საარჩევნო ოლქის მე-18 უბანზე ყუთების გახსნის შემდეგ აღმოჩნდა, რომ საკონტროლო ფურცელი არასათანადოდ იყო შევსებული, კერძოდ მის არცერთ ეგზემპლარს არ ჰქონდა დასმული ბეჭედი.

მარტვილის 65-ე ოლქის 25-ე საარჩევნო უბანზე ამომრჩეველი დაიშვებოდა პირბადის გარეშე. დამკვირვებლის მითითების შედეგად, დარღვევა აღმოიფხვრა.

ვაკის მე-2 საარჩევნო ოლქის 43-ე საარჩევნო უბანზე, ამომრჩეველთა ერთიან სიაში ამომრჩევლის გრაფის გასწვრივ უკვე იყო ხელი მოწერილი. კომისიის ახსნა-განმარტების შემდეგ ამომრჩეველს ხმა მიაცემინეს, რადგან კომისიის რეგისტრატორს შეეშალა ხელმოწერა.

გორის 32-ე საარჩევნო ოლქის 23-ე საარჩევნო უბანზე, ამომრჩეველმა რომელიც შეყვანილი იყოს სპეციალურ სიაში ხმა მისცა ძირითად უბანზე. რეგისტრატორმა ამომრჩეველს მარკირება გაუკეთა და რეგისტრაციაში გაატარა, ისე, რომ ამომრჩეველს არ წარმოუდგენია თვითიზოლაციის დასრულების რაიმე საბუთი.

მარნეულის 22-ე საარჩევნო ოლქის 25-ე საარჩევნო უბანზე სადემონსტრაციო ოქმი არ იყო გამოკრული საჯაროდ და შესაბამისად ოქმის მონაცემები ვერ შეივსო.

ყვარლის მე-16 საარჩევნო ოლქის მე-3 საარჩევნო უბანზე ამომრჩეველმა კენჭისყრის კაბინაში შეიტანა კონვერტი და კონვერტში ჩადებული ბიულეტენებით გამოვიდა კაბინიდან.

მარნეულის 22-ე საარჩევნო ოლქის 38-ე საარჩევნო უბანზე ორგანიზაცია „ამოირჩიეს" წარმომადგენელი ეწეოდა აგიტაციას, კერძოდ ამომრჩევლებს ურჩევდა რომელი ნომერი შემოეხაზათ.

ბაღდათის 52-ე საარჩევნო ოლქის მე-12 საარჩევნო უბანზე ბიულეტენების რაოდენობის შემოწმების შემდეგ დაფიქსირდა სხვაობა ამომრჩეველთა ხელმოწერებსა და გაცემული ბიულეტენების რაოდენობებს შორის, კერძოდ, დარჩა 1-ით ზედმეტი პროპორციული ბიულეტენი, რომელიც არ გადაეცა ამომრჩეველს.

ბათუმის 79-ე საარჩევნო ოლქის 58-ე საარჩევნო უბანზე ამომრჩევლის რეგისტრატორებმა ორ ამომრჩეველზე გასცეს ორი ზედმეტი ბიულეტენი.

დედოფლისწყაროს მე-14 საარჩევნო ოლქის, მე-18 საარჩევნო უბანზე მოსულ ამომრჩეველს კენჭისყრის კაბინაში შეჰყვა „ქართული ოცნების" წარმომადგენელი, რა დროსაც დაირღვა ამომრჩევლის კენჭისყრის ფარულობა. მსგავსი შემთხვევა განმეორდა არაერთხელ.

ბათუმის 79-ე საარჩევნო ოლქის 84-ე საარჩევნო უბანზე, არჩევნების მიმდინარეობისას უბანზე მყოფი დამკვირვებელი „ნიუპოსტიდან" ახორციელებდა ამომრჩეველთა ფოტოგადაღებას.

ზუგდიდის 67-ე საარჩევნო ოლქის 87-ე საარჩევნო უბანთან შეინიშნებოდა „ქართული ოცნების" კოორდინატორების და ე.წ „ძველი ბიჭების" მობილიზება.

ზუგდიდის 67-ე საარჩევნო ოლქის 21-ე  საარჩევნო უბანთან შეინიშნებოდა „ქართული ოცნების" კოორდინატორების და ე.წ „ძველი ბიჭების" მობილიზება.

გურჯაანის მე-12 საარჩევნო ოლქის 45-ე საარჩევნო უბანზე, „ქართული ოცნების" წარმომადგენელსა და „ნაციონალური მოძრაობის" წარმომადგენელს შორის დაპირისპირება მოხდა ხოლო შეხლა-შემოხლის შემდეგ კომისიამ ადგილზე პოლიცია გამოიძახა.

საბურთალოს მე-3 საარჩევნო ოლქის 30-ე საარჩევნო უბანზე,  „ნიუპოსტისა" და ერთ-ერთი არასამთავრობო ორგანიზაციის წარმომადგენლები ერთმანეთს ფიზიკურად დაუპირისპირდნენ. დაპირისპირება საარჩევნო უბნის შიგნით დაიწყო, რის შემდეგაც ისინი პოლიციამ გარეთ გაიყვანა.

ზუგდიდის 67-ე საარჩევნო ოლქის მე-20 უბანზე სამართლიანი არჩევნების დამკვირვებელზე ხორციელდებოდა მუქარა.

ზუგდიდის 67-ე საარჩევნო ოლქის 21-ე უბანზე კომისიამ „ერთიანი ნაციონალური მოძრაობის" წარმომადგენელი უბნიდან გააძევა, იმ მიზეზით, რომ მან განმეორებით უბანზე მოსული ამომრჩეველი შენიშნა და ამის გამო პროტესტი გამოთქვა.

 ბაღდათის 52-ე საარჩევნო ოლქის მე-12 საარჩევნო უბანზე, თავმჯდომარემ და მდივანმა უარი უთხრეს „სამართლიანი არჩევნების" დამკვირვებელს , რადგან არ ეთანხმებოდნენ დარღვევის არსს.