2020-10-26 „გირჩის" ხაშურის მაჟორიტარობის კანდიდატმა კამპანია „პოლიტიკური ტაქსი" დაიწყო. ნიკა მოსიაშვილი საკუთარი ავტომობილით გადაადგილებას სთავაზობს მოსახლეობას, მგზავრობის დროს ისმენს მათ პრობლემებს. „სამართლიანი არჩევნების" დამკვირვებელს „გირჩის" კანდიდატმა უთხრა, რომ ის სიმბოლურ ფასს, 1 ლარს ახდევინებს მგზავრებს, როცა ტაქსით გამოსვლის დრო აქვს და ამ გზით ცდილობს გაეცნოს ადგილობრივების პრობლემებს.