67-ე ზუგდიდის საარჩევნო ოლქის 24-ე უბანზე მედიის რეგისტრირებული წარმომადგენელი ითავსებდა ნაკადის მომწესრიგებლის ფუნქციას.

33-ექარელის საარჩევნო ოლქის 40-ე უბანზე თავმჯდომარემ ძირითად საარჩევნო ყუთში ერთის ნაცვლად ორი საკონტროლო ფურცელი ჩააგდო.

83-ე ხელვაჩაურის საარჩევნო ოლქის 18-ე საარჩევნო უბანზე საკონტროლო ფურცელში ჩაწერეს იმ პირველი ამომრჩევლის სახელი და გვარი ვინც არ იყო ამ უბნის ამომრჩეველი და ისე ჩააგდეს ყუთში.

საბურთალოს მე-3 საარჩევნო ოლქის 43-ე უბანზე კენჭისყრის პროცედურა დაიწყო 30 წუთის დაგვიანებით.

ტყიბულის 57-ე საარჩევნო ოლქის 32-ე უბანთან დგას ავტომობილი, რომელშიც მსხდომ პირებს აქვთ ამომრჩეველთა სიები. ისინი უბანში შესვლამდე ამომრჩეველს აჩერებდნენ. საოლქო საარჩევნო კომისიის წევრის შენიშვნის შემდეგ მათ უბნის შორიახლოს გადაინაცვლეს.

რუსთავის მე-20 საარჩევნო ოლქის 1-ლ საარჩევნო უბანთან დგას ავტომობილი, რომელშიც სიებით მობილიზებული ადამიანები სხედან და ამომრჩეველს აღრიცხავენ.

თელავის მე-17 საარჩევნო ოლქის მე-13 საარჩევნო უბნის ტერიტორიის შესასვლელთან დაახლოებით 20 მეტრის ფარგლებში „ქართული ოცნების" წარმომადგენლები ამომრჩეველთა სიებში ამომრჩეველს აღრიცხავდნენ.

ვაკის მე-2 საარჩევნო ოლქის მე-6 საარჩევნო უბანზე ამომრჩევლებმა ხმა მისცეს მარკირების პროცედურის დარღვევით. კერძოდ, ნაკადის მარეგულირებელი ამომრჩევლის მარკირებას ამოწმებდა ხელის მტევანზე და ხელის გულზე.

 33-ე ქარელის საარჩევნო ოლქის 22-ე საარჩევნო უბანზე არ ქონდათ საარჩევნო ყუთების ლუქები. საუბნო კომისია შესაბამის ლუქებს საოლქო საარჩევნო კომისიისგან ელოდა და დარღვევა 9:00 საათისთვის აღმოიფხვრა.

ისნის მე-5 საარჩევნო ოლქის 49-ე საარჩევნო უბანზე კომისიის რეგისტრატორმა ამომრჩეველთა ერთიან სიაში ხელი ამომრჩევლის გასწვრივ არასწორად მოაწერა.

ქუთაისის 59-ე საარჩევნო ოლქის 39-ე საარჩევნო უბანზე ამომრჩეველს 3 ბიულეტენის ნაცვლად (პროპორციული, მაჟორიტარული, მერის) გადაეცა 2 ბიულეტენი. კომისიის თამჯდომარის რეაგირების შემდეგ დარღვევა აღმოიფხვრა

 ქუთაისის 59-ე საარჩევნო ოლქის 76-ე საარჩევნო უბანზე, კომისიამ დაკარგა საარჩევნო ყუთების ლუქი, რამაც შეაფერხა უბნის სათანადოდ მოწყობისა და საარჩევნო ყუთების კენჭყრისთვის მომზადების პროცესი.

 ხარაგაულის 48-ე საარჩევნო ოლქის 28-ე საარჩევნო უბანზე აკრედიტაციის გარეშე იმყოფებოდა მერის წარმომადგენელი ადმინისტრაციულ ერთეულში.

 ჩოხატაური 62-ე საარჩევნო ოლქის მე-10 საარჩევნო უბანზე მერის წარმომადგენლის მოადგილე აკრედიტაციის გარეშე იმყოფებოდა უბანზე.

ბათუმის 78-ე საარჩევნო ოლქის მე-9 საარჩევნო უბანზე დაფიქსირდა ხმის მიცემის ფარულობის დარღვევა. ამომრჩეველმა ბიულეტენები კაბინებიდან გამოიტანა გახსნილ მდგომარეობაში ისე, რომ შესაძლებელი იყო იდენტიფიცირება, ვის მისცა ხმა.

დედოფლისწყაროს მე-14 საარჩევნო ოლქის მე-18 უბანზე ამომრჩეველმა ხმა მისცა რეგისტრატორის მაგიდასთან, რაზეც კომისიის თავმჯდომარესა და წევრებს რეაგირება არ მოუხდენით.

 ვაკის მე-2 საარჩევნო ოლქის მე-11საარჩევნო უბანზე, იმყოფებოდა 30-40 წუთის განმავლობაში ორი არაუფლებამოსილი პირი, რომლებმაც თავმჯდომარის არაერთი მითითების შედეგად უბნის ტერიტორია არ დატოვეს, მხოლოდ მოგვიანებით გავიდნენ.

გორის 32-ე საარჩევნო ოლქის, 23-ე საარჩევნო უბანზე იმყოფებოდა ორი არაუფლებამოსილი პირი, რომლებმაც კომისიის თავმჯდომარის მითითების საფუძველზე დატოვეს უბანი.